تراني كنت متوقع تصدق هرج خلق الله
ولكن ماتوقعتك تسولف بي لعذالك؟!
تبي تنساني؟إنساني..فداك اللي مضى كله
يجوز احيا من فرقاك مدامي ميت بوصالك!!
ترى مايجحد الواقع سوى خل نسى خله
مثل ماتجحد عيوني حنين حيل يظما لك!!
مع إني عارف محد<ن>يداوي غيرك العله
اسج بحالي لحالي لجل ماينبري حالك!!
وأكابر من خطا نفسي وأزيد الجرح وأبله
واتحاول في عبث مضحك ادور غير همالك!!
حبيبي حتى لو زولي من غيابك فقد ظله
كفايه شمسك اليا اليوم تنسج حولي ظلالك
تبيني اعتذر؟ <آسف>!ولكن وش هي الزله؟
تبيني اجرحك؟حاضر..انا همك وغربالك
مدام اني سبب دمع<ن>حزين ناظرك هله
فعساني يابعد عيني اجل ماطري على بالك!!
وإذا قالو لك:إن قلبي من فراقك نزف غله
قل ان:مابه بلى عسى درب السعد فالك
وانا والله ثم والله ثم والله ثم والله
لاسوي ماتبي من شان بس تحقق آمالك
ولكن قبل ماتبعد وتنسى مامضى كله
أمانه بس علمني وش اللي غير احواااااااالك!!؟
اختكم
رنة خلخال
موضوع: امانه بس علمني وش اللي غير احوالك 
الجمعة نوفمبر 02, 2007 9:26 am
